መጠጥን ጎጅ ነዉ አትበሉኝ
መረነ ቢስ ምክራችሁን በከንቱ አትለግሱኝ
ጠጥቸ ነዉ ሁሉን የረሳሁት
ጨልጨ ነዉ መከራዬን ያለፍኩት
ባልጠጣ ኖሮ የትናንቱን ረሃብ እንዴት እረሳለሁ?
የዛሬንስ ጥጋብ በምን አከስማለሁ?
አልኮል ነዉ አትበሉኝ
መርዝ ነው አትበሉኝ
ገዳይ ነዉ አትበሉኝ
ጠዋት ማታ ባልጠጣ እንደት እኖራለሁ
እሷን ባልጨጣት በምን እከርማለሁ
መልክ ታጥቦ አይጠጣም
ለምትል ድንፋታም
መልኳን አጥበህ አምጣልኝ
ከመራራ ኑሮ እጣቢዋ ነዉ የምሻለኝ
እያልኩ የፎከርኩት
በብዕር የገጠምኩት
ሆድየ ላንች ነዉ
ከጸሐይ ፸ ዕጥፍ በላይ ለደመቀዉ
የመላዕክትን ሁሉ ዉበታቸዉን ላስናቀዉ
ያ ያንቺ መልክ ጨልጨ ጠጣለሁ
አጥበዉ ጨምቀዉ ጠዋት ማታ ጠጣለሁ
በጠጣሁት መልክሽ ዘላለም ኖራለሁ
አጥበዉሽ ያምጡልኝ አሁንም ጠጣለሁ።
ማክሰኞ ግንቦት ፬ 2007
ኻዮሉማ/xayouluma/xamnxallee
No comments:
Post a Comment