ማርክ ዙከርበርግ ስለ ፓሪስ ምን አለ???

ማርክ ዙከርበርግ በማን አለብኝነት የሁላችሁንም የፌስቡክ ገጽ በፈረንሳይ ባንዲራ አቅልሙልኝ ስል በጠየቀዉ መሰረት አብዛኛዉ ያበረከተልን ዉለታ በማሰብ ነዉ መሰል ትዕዛዙን ተቀብለዉታል እኔና መሰሎቸ ግን አሁንም ከመከራከርና አይመለከተኝም በማለት አምጸንበታል ምናልባት በጉልበት ካልዘጋብን በስተቀር ምንም አያመጣብንም ብየ አስባለሁ። የሆነዉ ሆኖ ዙከርበርግ ለፓሪስ የተለየ ፍቅር እንዳለዉ አሳይቶናል።የከዝ ህ ቀደሙ ስቀር ፓሪስ በፈነዳች ማግስት በሩት እነም ዜጎቸን አጥታለሁ ስለዝክ ለነም የሴፍቲ መከታተያ ያስፈልገኛል ስትል በዉድ የፌስቡክ ተጠቃሚዎቿ አማካይነት ጠይቀዋለች፣ የኛ ልጆችም እንደታ ህዝባችን በረሃብ እያለቀብን ስለሆነ ዙከርበርግ ለምን የሃበሻ ረሃብተኞችን አይጠይቀንም ስሉ ተሟግተዋል። ዘዉትር ብዙ ልብ ያዘለዉ ሃበሻም ስማችን ዳግም በረሃብ አይነሳ ስል ስምዋገት ዉሎ አምስትዋል፤ በርግጥ ገጽታ ግንባታ ለላ ነገር ብሆንም ሰባዊ የርዳታ ጥሪ መቅደም አለበት ይላል የዝህ ጽሁፍ አሰናኝ። የከኒያ ጋሪሳ ተማሪዎች፣ የሶርያ ከ 150ሺ በላይ ሰላማዊና ንጹሃን ዜጎች፣ ኔፓል ከ 50ሺ በላይ ዜጎቿን በተፈጥሮ አደጋ, ራሺያ ከ 200 በላይ ዜጎቿ ሲናይ በረሀ ላይ ሰሞኑን ሲያቁ, የማላዚያ  ምስኪን መንገደኞች እና ሌሎች የ አፍሪካና የአረብ ሟቾች ከማርክ ዙከርበርግ አይን ያልገቡበት ምክኛት ይኖር ይሁን ወይ ስል አሰናኙ ኳዮሉማ ሃሳቡን ይሰነዝርላችኃል።

ኢትዮጵያዊ መሆኑን እያጣራን ነው !!!!!

 "የግድያዉ ሰለባ በደረሰባቸዉ ኢ-ስብዓዊና አሳቃቂ ግድያ የመላው ኢትዮጵያ ህዝብ አዝኗል ዳሩ ግን የሟቹ እዉነተኛ ማንነት ኢትዮጵያዊ መሆኑ በአመራሮቻችን አማካይነት ከዝህ ሰዉ ልከን እያጣራን ነዉ።"
ተደራቢ ጠ/ሚ ሬድዋን ሁሴን

"በግለሰቦች ፀብ አጫሪነት ለተፈጠረዉ አሳቃቂ ግድያ መንግስታችን ማዘኑን ስገልፅ የሟች አሟሟት ምንም ነገር ከፖለቲካ ጋር የምያያይዘዉ ጉዳይ እንደለለ ደርሰንበታል። "
ተጠባባቂ ጠ/ሚ ቴዎድሮስ አድሃኖም

"ጉዳዩ የወንጀልና የህግ ጥሰት ስለሆነ ወንጀለኞችን አሳደን ከያሉበት አምጥተን ፍትህ ለመስጠት እየሰራን ነዉ።"
ህዝብ አልባዉ ጠ/ሚ ኃይሌ ማሪያም ደሳለኝ

"ከታሰርኩም ህሊናዬን አያስሩም ከገደሉኝም ትግሌን አደራ በተለይም የኔ ትዉልድ አደራ!!!!!!!"
ሟች ታጋይ ሳሙኤል አወቀ ዓለም

ኑና ከጀግኖች ተራ እንድቀላቀል የነፃነት አምሮተን ንጠቋት ነፍሴንም በሰማዕታት ወገን አሳርፏት

ኻዮሉማ/xayouluma

1,400,000,000,000,000,000,000 ዶላር ነች ወራዊ ገቢዬ።

እስት ዛሬ ደግሞ ቁጥር ከማይፍሩት አፍሪካዊያን ጋር ላገናኛችሁ። ምንም ቁጥር አይፈሩም በቃ ለነገሩ ቁጥሩ ላንዳንዶቻችን ተዓምር ልመስል ይችላል።አንድ ጓደኛችሁ ቁርስ ልጋብዛችሁ ብል ስንት ብር ያወጣላችኋል።ከ፭ ብር እስከ ፳ ብር ይሆናል። ምን አላት የምንል ከሆነ ተሳስተናል።ይህ ብር በመንግስቱ ሀይሌ ማሪያም ሃገር ዝምባብዌ የገንዘብ ንጣፍ ልሰራላቸዉ ይችላል።

"ከዶላር ተምች እግዘሩ ይጠብቃችሁ!!"

ይህ የምትመለከቱት ዶላር ላሜሪካኖቹ አርባ ሳንቲም ነዉ።

ኻዮሉማ/xayouluma

እድመ ዘመናችሁን ጥራችሁ የማታገኙትን ነገር ግን እዝህ ሀገራችሁ ለሚጢጥዬ ቲ -ሸርት የምታወጥዋት ገንዘብ 175 ቁጥር ትፅፉና አስራ አምስት ዜሮዎችን ትደረድራላችሁ ከዝያም አንድ መቶ ሰባ አምስት ኳድርልየን(መምህራችሁን ጠይቁት ምን ማለት እንደሆነ)ብላችሁ ትጠሩታላችሁ።መቶ ብር ማለተ ነዉ ፋራ ሁላ!! ልክ ከገንዘብ ጋር እንደተወለድክ አፍህን አትክፈት በሙጋቤ ሀገር ትልቅ ዋጋ ያለዉ ሰዉ እንጅ ገንዘብ አይደልም።ከምንም ነገር በላይ እነሱ ሀገር የሰዉ ልጅ ዋጋ በጣም ትልቅ ስሆን በጣም ርካሹ ደግሞ ገንዘብ ነዉ።ሶፍት መግዛት ብፈልጉ የፍቅር እስከ መቃብር መፃፍን ስድስት እጥፍ የምሆን ገንዘብ ያወጣሉ።ባገራችን "መንግስት ግንባር ቀደም አርሶ አደሮች በ25 ዓመት ልፋት ወደ መካከለኛ ሚሊንየርነት እየተቀየሩ ነዉ" ማለት የማይሰለጨዉ ተመስገን በየነ አንድ ቀን ዝምብዝብዌ ብሄድ ያገራችን ህዝቦች "በኳድሪሊዬን መርፌ መግዛት ጀመሩ" እያለ ቱልቱላዉን ይነፋ ነበር።ዳሩ ምን ያደርጋል የምሄድበት በጀት የላቸዉም ።አንድ ክፍል የምለጥፍ ጋዘጣ ለመሸመት ዘጠኝ ክፍል የምለብድልን ዶላር እናወጣለን ከመንጌ ጋር ብንሰደድ።አንድ የክብርት እንጨት ለመግዛት በጆንያ ሙሉ ዶላር ልንቆጥር እንገደዳለን።ወይነ ኻዮሉማ!!!

ስገባኝ

ከዉቅያኖሱ ታርክ ጠብታ ስደግምላችሁ ማን ነዉ የደነዘዘዉ ወደ ምለዉ እንሄዳለን።በታርክ መፅሐፍት የበላይነት የምንጠቅሳቸዉ ታሪኮች ምን ያህል አሳማኝ እንደሆኑ ስለምያምን ነዉ።አንድ ታሪክ በሶስት ሰዎች ተሰርቶ ይቆያል፤የመጀመሪያዉ ታሪክ ስሰራ፣ሁለተኛዉ ታሪክ ስያወራ፣ሶስተኛዉ በህይዎቱ ላይ ታሪክ ይሰራበታል።ዳሩ ከዝህ ቀደም እንደጠቀስኩት ሰዉዬዉ ታሪክ ላይ ታሪክ ይጨምራል አልያም ይቀንሳል።

ከክፍል ፪ የቀጠለ
ገፅ/ልጥፍ ፫

ኻዮሉማ/xayouluma

ዋቢዬ ፀሐፊ ብላቴን ጌታ ህሩይ ወልደ ስላሴ 1921 ዓ/ም የፃፉትን መፅሐፍ ጠቅሶ በመፅሐፍ ፩ ገፅ 61-62 ባስቀመጠዉ ሰንጠረዥ በ5ኛ፣በ28ኛዉና በ29ኛዉ ተራ ቁጥር ላይ ኢትዮጵስ ፩ኛ ከ1856-1800 ቅ.ል.ክ. ለ56 ዓመታት፣አንጋቦስ ፩ኛ ከ1408-1350 ቅ.ል.ክ. እና ሚአሙር በ1358 ቅ.ል.ክ. ለ፪ ቀናት ብቻ ኢትዮጵያን በአጋዝያን ዘመን ገዝቶአቸዋል ብሎ ፅፏል።በገፅ 95-97 በሠፈረዉ ሠንጠረዥ 16 ኛ ተራ ቁጥር  ላይ 'አጭር የኢትዮጵያ ህዝብ ታሪክ' ብለዉ የፃፉትን አለቃ ታዬን በማጣቀስ በ 665 ቅ.ል.ክ. ንጉስ ገስዮ ለ6 ሰዓታት ኢትዮጵያን እንደመሩ ይመሰክራል።
በእኝህ አራቱ የኢትዮጵያ ታላላቅ መንግስታት ላይ የምያደንቀዉ ያልታወቀና ያልተፃፈ ያልተነበበም አኩሪና ድንቅ ታሪክ ይኖራቸዋል። በ'ኔና በዋቢዬ ግምት ትላልቅ ታሪካዊ ክንዉኖችን አንዳከናወኑ እናምናለም።
ዛሬ ላይ ሁላችንም የታሪክ አንባቢ ከመሆን ለጥቀን ታሪክ የምንሰራበት ዘመን ላይ እንዳለን አምናለሁ አልያም ታሪክ ሳናዛንፍ መፃፍ ይጠበቅብናል። 515 ቶን ክብደት ይመዝናል ተብሎ  የምገመተዉና ባስገራሚነቱ በ1972 እ አ አ UNESCO የተመዘገበዉ የአክሱም ሀዉልትም የአንድ ወቅት የኛ ብጠዎቹ የሌት ጊዜያቸዉን በመቆጠብ ለትዉልድ አዉርሰዋል።ገድለ ላሊበላ ዘቅዱስ መድሐኒዓለም 1157-1197 የተገነባዉ ዉቅር አብያቴ ክርስትያናት በ20 ዓመት ዉስጥ የተጠናቀቀዉ የኢትዮጵያዊያን አኩሪ ትዉፊት ነዉ።ጎኑ ዛሬስ ትዉልዳችን ምን እየሰራ ነዉ የምለዉ ነዉ ዋናዉ ጥያቀዬ ።

መንግስት ግንቦት 16 ስራ ያስፈታቸዉን የኢትዮጵያ ህዝብ ካሳ ልከፍልለት ይገባል!

እሁድ ግንቦት 16/2007 ዓ/ም ላይ በመንግስት አዋጅና ንግርት መሰረት የተወደደዉ የሀገሬ ህዝብ ስራ ለፈታበት ካሳ ልከፈለዉ ይገባል።
ኻዮሉማ/xayouluma

ኑሮ የዝሆን ክብደት ያክል የተጫነበት ህዝቤ ከሌሊቱ 11:00 ሰዓት እስከ ምሽቱ 1:00 ሰዓት በሰልፍ ያባከነዉን የትግል ጊዜዉን የቆመረበት መንግስት ይህን 40 ሚሊየን ህዝብ ልክሰዉ ይገባል።አሃ ምርጫ ቦርድ 38 ሚሊየን መራጮችን ነበር የመዘገበዉ፤ይሁና የምርጫ ታዛቢዉ፣አጨብጫቢዉ፣ተወዳዳሪዉ( እነ ዶ/ር መራራን ጨምሮ)እና ዳኛዉ ባጠቃላይ ሁለት ሚሊየን አይሞላም?
ከጉሊቲ እስከ ጉልበት ሰራተኛ፣ከታካሚ እስከ አካሚ፣ከገዢ እስከ ተገዢ፣ከደላላ እስከ ደሀስፖራ፣ ከስደተኝ(በሀገር ዉስጥ የተሰደዱት)እስከ አሳዳጅ እና ሌሎች ብዙ ብዙ ሚሊየን ህዝብ ከተፈፀመበት ክህደት ጋር የምስተካከል ባይሆንም ተገቢ ካሳ ልከፍለዉ ይገባል ባይ ነኝ። መብቴ መሰለኝ
ኑሮ ሱሪ ባንገት ለሆነበት ዜጋ ካርድ ካልጣልክልኝ ወየዉልህ የተባለዉ ወገን በቴሌቪዥን፣በሬድዮ፣በጋዜጣ እና በየሞባይሉ የተደረጉ ቅስቀሳዎች ለኑሮ ግብዓታችን የጠብታ ያህል ባይጨምርም ለመምረጥ ተገደናል።ተወዳዳሪዎቹስ ብሆኑ ራሳቸዉንም የካዱ ባስመስለዉ ዉድድር የህዝብ ድምፅን እንደ አየር ሁኔታ የተተነበየዉ ፭ኛ ዙር ምርጫ በሰላም ተጠናቋል። የምገርመዉ ነገር  አወዳዳሪዉ፣ተወዳዳሪዉ፣ታዛቢዉና አሸናፊዉ ፓርቲ ለዉድድሩ ድምቀት የተጠቀማቸዉ ኢትዮጵያን ለራሳቸዉ እንኳን ከኢህአዴግ በላይ ቦታ የሌላቸዉ በማስመሰል የለጠፋቸዉ ዉጠቶች አስገርሞኛል።

ይድረስ ለኢትዮጵያ............

ዲዮጋን

ሰዉ ፍለጋ ከቤት ወጥቶ
እጅግ ብዙ ተንከራቶ
ተመለሰ ከቤቱ
ሰዉ ጠፍቶ ባገሪቱ።
                አዘርግ(2003 e.c)

ሌቱን ሙሉ ኣሰብኩ፣በጣም አሰብኩ፣ በመጨረሻም፣ከቤቴ ወጣሁ፣አዲስ አበባን በእግሬ እየኳተንኩ ቃኘዉ  አእምሮዬ ላይ የጥያቄ ክምር ተከማችቷል።መጠየቅ የምፈልገዉ ደግሞ ኢትዮጵያን ነዉ እናም ጀመርኩ.............

እኔማ ሰምቸ ነበር ይህች ኢትዮጵያ የምትባል ምድር እንኳን ለህዝቦችዋ በግዛትዋ የሚያልፍ አዉሮፕላኖች ይባረካሉ!

እኔማ ሰምቸ ነበር ዓለም ባንድ መሪ የምትመራበት ዘመን ይመጣል ! ያኔ በዓለም ላይ የበዛ ሰላም፣ የበዛ ጤና፣ የበዛ መተሳሰብ፣ የበዛ ፍቅር፣የበዛ አንድነት ይሆናል ጦርነት ፣ጥል ፣ጥላቻ ፣ዘረኝነት ፣ርሀብ ምቀኝነት ፣መነቋቆር  ይወገዳል!  ያ መሪ ደግሞ ከኢትዮጵያ ነዉ!

ከFIFA በቀሰምነው የጎል ቴክኖሎጂ ምርጫዉን ታዝበናል.........!!!

"ተዉ የጀማል አባት እንዳይቆጭዎት ምልክትዎን ንብ ላይ ብያደርጉ ይሻሎታል!"

"ቆንጂዬ ምንነካሽ! ስያዩሽ እንድህ አትመስይም አንቺም ክህደት ትፈፅምያለሽ?"

"ማዘር አንድ X ያድርጉ ንቡን ልቆራርጡት ነዉ ያሰቡት? ምነዉ እርሶ ትልቅ ሰዉ አይደሉም ? አንደት አንድ ንብ ላይ ሶስት X ያኖራሉ ?"


ኻዮሉማ/xayouluma

"ከፊፋ በቀሰምነዉ የጎል ቴክኖሎጂ ምርጫዉን ታዝበናል።"

"እኔም ኮኒስ ዉስጥ ሆኘ የመታዘብ ተልዕኮዬን ተወጥቻለሁ።"

ዛሬ በሰፈራችን ሀይለኛ ጉድ የተባለለት ግጥሚያ ተስተናግዷል።ቅልጥ ያሌ ጫወታ ነበር ከኛ ቡድን ግርግር፣ በቃኝ፣ካሊሲዉ፣ ኮከብዋ በረኛችን አመዷ እና የጠብቀዉ ወንድም ጮርነ ሁሉ ሳምንቱም ሙሉ ስዘጋጁበት ከርመዋል።ጮርነ ትንሽ ከኔ ጋር ፀበኛ ስለነበር እኔ በግጥሚያዉ እንዳልገባ ያደረገዉ ከፍተኝ ጥረት ተሳክቶለታል።ከላይ ሰፈር ልጆች ቺንዲ፣ ላስላስ፣ ጠንበለል፣ ንፉቲ፣ሲሬ፣ግንቤ(ስሙን ቀስ ይጥራዉና ባለፈዉ በነሱ ሜዳ ስንጫወት ባደረገዉ ኮንጎ ጫማ ቅልጥመን ብሎኛል፤ዛሬማ ብሰለፍ ኖሮ ጉዱን አሳያለሁ ብዬ የታላቅ ወንድሜን ቦቲ ጫማ አድርገ ነበር የመጣሁት።)ሆነዉ በመለያቸዉ ላይ ስማቸዉን ፀፌዉ የጋሽ ሀይሌ ሜዳ ላይ ተሰብስበዋል።በነገራችሁ ላይ የጋሽ ሀይሌ ሜዳ በኛ ሰፈር የኳስ ተንታኞች አሊያን ዛሪና የምል ቅፅል ተሰጥቶት ነበር እኛ ግን ብዙም ስላልተመቸን ሜዳዉን የጋሽ ሀይሌ ሜዳ ብለን እንጠራዋለን።በዝህ ታላቅ የሰፈራችን ደርቢ ብዙ ተመልካች ይገኝል ተብሎ ይጠበቃል።ብያንስ ከ 20-34 ሰዉ ጫዋታዉን ለማዬት ትኬት እንደቆረጠ የጫዋታዉ ትኬት ቆራጭ ሲስኮ ነግራናለች። የ'ኛ ደጋፊዎች ስለ'ኛ እየዘመሩ ነዉ እንደምታዉቁት የነ ግንቤ ቡድን ልጆች ሁሉ እረኞችና የመደበኛ ትምህርታቸዉን እንኳ ባግባቡ ያልተማሩና ያቋረጡ ናቸዉ፤የኛዎቹ ሁሉም ግን የ ፫ኛ ፬ኛ ክፍል ተማሪዎች ናቸዉ።

ምርጫዉ ተጭበርብሯል..............!!!

በደቡብ ምስራቅ አዲሳባ ስሟን በማልጠራት ብጠራትም እንኳን ማንም በማያዉቃት አንዲት በማደግ ላይ ያለች ሃገር አለች።ሀገሪቷ ከቅርብ ጊዜ ወድህ ባለሁለት አሃዝ እድገት ማስመዝገቧን በዓለም አቀፍ ደረጃ ያላትን ተሰሚነት ክፍ እያለ እየመጣላት እንደሆነ የሃገሪቱ ባለስልጣናት ይናገራሉ።ሃገርቷ በመልካም አስተዳደርና በደሞክራሲ መሰረት ላይ ከነ አሜሪካና አዉሮጳ ሀገሮችም ጋር ስነፃፀር የተሻለ አፈፃፀም ታይቶባታል።ይህች በመልክዓ ምድር ያነሰች በዓለም ላይ የገዘፈች ሀገር አብዛኛው የሀገሪቷ ህዝብ የገቢ ምንጩ ወሬ በማዉራትና በማስወራት ላይ የተመሰረተ ነዉ። በዳታ ስሰላ 60 ከመቶ የአጠቃላይ ገቢዋ የምገኘዉ ወደ ዉጪ በምትልከዉ ወሬ ላይ ነዉ። የሀገሪቱ ፕሬዝደንት ኻዮሉማ/xayouluma እንደምናገሩት ከሆነ የህዝቧ ወሬኛነትና ከመቸዉም ጊዜ በላይ ስላደገ ፈጣኑን የኢንፎርሜሽን መረብ በመዘርጋት ካለም አንደኛ ነች። ሀገሪቷ በተለያዩ ወሬ ብቻ በምያዘዋዉሩ ወሬኞች ብዛትም ካለም አንደኝ ነች። ከቅርብ ዓመታት ወዲህ ግን በአፍሪቃ አህጉርና በሌሎች ዓለማት በምገኙ መንግስታት ስር ብዙ ወሬ አቀባይ ዜጋዎቿን በማስቀጠር ካለም አንደኝ ነች።በየፖለቲካ ፓርቲዉ ፣ በየሀይማኖት ድርጅቱ፣ በየንግድ ማህበራቱ፣ በየሙያ ማህበራቱና በየመደቡ የተሰገሰጉት የዝህች አገር ነዋሪዎች በሰባቱም አህጉር በመበተን ወሬ በማፈትለክ ስራ ተጠበዋል።አንዳንድ ምዕራባዊያን ሀገሪቷ ለስራ ቦታ የለላት ሀገር ብሏትም እሷ ግን ገቢዋን አጠናክራ ጉዞዋን ቀጥላለች።በሌላ ሀገር ያሉ ዜጎቿ የሀገሪቱን መሪዎች አቋሜ ቢስ ብሉም እነሱም ካንዳንድ የፖለቲካ ካባዎች ስሞቁ ተስተዉሏል።
በዝህች ሀገር ነፃ ፍትሐዊ፣ወቅታዊና ታዓማንነት ያለዉ ምርጫ በየጊዘዉ ይደረጋል። ሀገሪቷ በምርጫ ላይ ባላት ተዓማንነት እነሂዉማንስ ርይት ዎች የመሳሰሉ ቀንደኛ ድርጅቶች ሁሉ ያምኗታል። እንደዉ አንደ በሆነ የፈረንጆች ዓመት ላይ 'ለምን የአሜሪካን ምርጫ አልታዘብም ?'ብላ ጠይቃም ነበር አሉ። የካርድ ቆጠራዉ በሙሉ በፕሬዝዳንቱ ምሪትና ምራቅ ስለምካሄድ የገዘፈ ታዓማንነት አግኝታለች። ታድያ በዝህ በያዝነዉ ዓመት ግን ከተለመደዉ ዉጪ በታሪክ ለመጀመሪያ ጊዜ የምርጭ ማጭበርበር ክስተት ገጥሟታል። ምርጫዉ የተጭበረበረዉ ሆድ በተባለዉ ብሔራዊ ክልሏ ስሆን ክስተቱም እንድህ ነበር።

አወዛጋቢዉ የካምፓስ ምርጫ

ከሰፊዉ የእንቅልፍ ጊዜዬ መስዋዕት በመክፈል ከመኝታዬ ተነስቸ ወደ አዳራሽ ገባሁ። ባዳራሹ የምርጫ ቦርድ ተወካይ ተማሪዎችና የተወሰኑ የምርጫ እንግዶች በየወንበሩ ተሰካክተዋል፤ አብዛኞቹ ዉቃቢ የነገራቸዉ ይመስል በስፍራዉ ዝር አላሉም።እኔም የመጀመሪያዬ ስለነበር ጓጉቼ ከዝክ ቀደም እናት አባቴ የወሰዱትን የቅድሜ ምርጫ ስርዓቴ ሂደት ተከታትዬ አዉራ ጣቴን ለሰማያዊ ጂቢ አሰናድቸ ወንበር ሳብኩኝ።
የኮለጁ የምርጫ ቦርድ ተወካይ ተማሪ ስለምርጫ ብዙ ያወራል።ሌላዉ በዝምታና በግርምት ይሰማል።እኔም በዕለተ ሰንበቱ የምመርጠዉን ፓርቲ እያሰብኩ ተፎካካሪዎቹን እያነፃፀርኩ ነዉ፤ በኔ የምርጫ ክልል የምፎካከሩት አንድ ጠሚንስተር፣ አንድ አርሶ አደርና አንድ የባህል ሙዚቃ ቡድን መሪ ይፎካከራሉ። በነሱ የግል ብቃት ሳልገታ በፓርቲያቸዉ አቋምና አመለካከት የተወዳዳሪዎቹ ምስል እስክለጠፍ እየተጠባበኩ ነዉ።
የምርጫ ሁኔታዉ አዲስና ለገዥዉ ፓርቲ ግብዓት እንድሆን ከታሰቡት የምርጫ ክልሎች ዉስጥ የዩኒቬርሲስቲ የምርጫ ክልል፣ የታላላቅ ፕሮጀክቶች ምርጫ ክልልና ሌሎች አዳዲስ ኢህአዴጋዊ ታክትኮችንም አካቷል። ታድያላችሁ በዩኒቬርስቲ ደረጃ ባንድ ካምፓስ ብያንስ ፩ የምርጫ ጣቢያ ይኖራል ከበዛም በየ፯ መቶ ተማሪ ብዛት የተለያየ ጣብያ ይኖራል ተባልን ከዝያም ለጥቆ ለምሳሌ ያድሳባ ዩኒቬርስቲ 14 ቅርንጫፎችና ኮለጆች ስላሉት በየኮለጁና በየግቢዉ እንደየተማሪዉ ብዛት ይለያያል ተማሪ በብዛበት በ፮ ኪሎ ካምፓስ የምርጫ ጣቢያዎቹ እንደፌደራሉ ምርጫ ክልሎች የተከፋፈሉ ስሆኑ አነስተኛ ተማሪ ባለበት የምርጫ ጣቢያዉ እንደፌደራሉ የምርጫ ቦርድ ያስፈፅማል። ይህ ስተነተን ከላይ የጠቀስኳቸዉ ሶስቱ ዕጩዎች ሳይገለጹ ለፌደራሉ ም/ቤት የምወዳደሩ 25 ፓርቲዎች ስማቸዉ ይለጠፋል ከዝያ ባለፈ የእያንዳንዱ ምርጫ እጩዎች አይለጠፍም ማለት ነዉ።
ምኑ ነዉ ያወዛገበህ አትሉኝም
ያወዛገበኝማ በኛ የምርጭ ጣቢያ ተማሪዉ የፈለገዉን ፓርቲ ብመርጥ ዉጠቱ ወደ ዋናዉ ጣቢያ ክልል አይሄድም፤ ወደ ዋናዉ ጣቢያ የምሄደዉ የምርጫ ቦርዱ ራሱ አዲስ በምያዘጋጀዉ ቅፅ ላይ የተሞላዉ መረጃ ነዉ። ይህ ማለት በኔ አረዳድ ተማሪዉና የግቢዉ ማህበረሰብ የምጥለዉ ካርድ ለይሱሙላ ይቀመጣል(ለ ኤግዝብሽን ይሆናል እንዴምርጫ ጣቢያችን የቦርድ ተወካይ አገላለፅ)ስለዝክ ተማሪ የምጥለዉ ካርድ በና ግቢ ምርጫ ጣቢያ መሰረት ከዜሮ በታች ክብደት ያዘለ ወረቀት እንጅ ድምፅ አይደለም።
ይህች የምርጫ መላኛዉ ዉጥን ከተሳትፎ የዘለለ ምንም ፈይዳ የለዉም ማለት አትመስላች ሁም
ታዛቢዎቻችንም በስሜ ገለልተኛ በጎ መልዕክተኛ ማህበር ስም እየተቀያየሩ ይመጡብናል። ይመስገን በኛ ግቢ ግን ምንም አይታሰብም የምታዘበንና እዉነቱን የምገልጥልን የሰራዊ ጌታ የሰማዩ ንጉስ የሰማያዊ ርስት ባለቤት እግዝአብሄር ብቻ ነዉ።

ኻዮሉማ/xayouluma

በቀን ሶስተ እየበላሁ ነዉ።

"ባቢ ና ግባ ቁርህን በልተህ በምሳ ዕቃ ያስቀመጥኩልህን ይዘክ ት/ቤት አትሄድም?"   እናቴ ነች

"እምቢዮ አልበላም ደግሞም ምሳ ዕቃዬ ዉስጥ እንደትናንቱ የእንቁላል ጥብስ ከጨመርሽ አልወስድልሽም እምቢዮ ትናንት የነ አቡላ ሰፈር ልጆች ተሰብስበዉ ስቀዉብኛል የናንተ ቤት ቄረ ነዉ እንዴ ሁልጊዜ የስጋ ወጥ የምታመጣዉ ብለዉኛል አልፈልግም ከዛሬ ወዲያ ስጋ፣ እንቁላልና አይብ አልበላም "   እኔ ት/ቤት ከመሄደ በፊት ከናቴ ጋር እየተከራከርኩ

"በቃ ትቸዋለሁ ከዛሬ ጀምሮ ምንም የበግ ስጋ አላበላህም  ሃኪምም የፍየል ስጋ እንዳትበላ ብሎሃል አይደል ልጄ? " ጉምጨን እየሳመችኝ ለማማባበል እየቃጣት በሌላ ዕቃ ትንሽ ፒዛና ብዙ በርገር አረገችልኝ በምሳ ዕቃዬ ዉስጥ

"እምቢ!! እምቢ!! እሱን ከሰጠሽኝ ከማይክ ጋር ነዉ የምበላዉ"

ማይክ ዉድ ዉሻዬ ነዉ። ማይክ ከምንም በላይ በርገር ነዉ የምወደዉ።
"ባቢዬ ለዛሬ ብቻ ነገ በጠዋቱ የምትወደዉን ጣፋጭ ነገር አመጣልሃለሁ "  እናቴ።

ሽ............ብሬ

እንደሁኔታዉ አድርጌ ማርማራታን በዳቦ ጨምቀ በሻይ አወራረድኩና ወደ ስራዬ ሳላረፍድ አዘገምኩ።በስራ ቦታዬ አንድ ራሱን ፕሮፌሰር እያለ የምያስጠራ ዶክቶር V.K ሚሽራ ( በነገራችን ላይ የአርባምንጭ ዉድ ጓደኞቼ በዝህ ዓመት በሞት የተለየችን ዉዷ እህታችን ምሽሪያ የገዳዯ ነገር ከምን ደረሰላት በቃ የደቡብን ፖልቲካ ፊንቲዉ አድርጋ ስለዘከዘከች በመርዝ ገለዋት ዝም ጭጭ አሉ? ታድያ ምን ይደረግ አፋችን ዘግተን በራችን ቆልፌን መቀመጥ ዕጣ ፋንታችን ከሆነ ሰነባብቷል። የታጋያችን ነፍሷን ይማርልን ከማለት በዘለለ ምን እናደርጋለን?) የተሰኘ መምህር በኮልታፋዉ የሻሩክ ቅላጸ ከሰሌዳዉና ከተማሪ መሃል ሆኖ ይለፈልፋል።ይለከችራል። እኔ ግን በድነ ብቻ ታድሞ ጭንቅላተ ማታ ስያየዉ የነበረዉን ዜማ ያመላልሳል።


ላንች ነዉ ላንች ነዉ መሰዋታችን
ላንች ነዉ ላንች ነዉ ትግላችን
ህዝባዊ ሀይል ነዉ ስማችን
ኢትዮጵያ ሀገራችን
አረንጓደ ብጫ ቀዩ ሰንደቃችን
በባርነት ሜዳ ህዝብሽ የማቀቀዉ
በባለጌ ሜዳ ክብርሽ ለጎደፈዉ
ትግል ነዉ መፍትሔዉ
አሁንም ትግል ነዉ
ለቆሜ ነጻነት ለጫኑብን ቀንበር
ለናዱት አንድነት ላረከሱት ክብር
ትግል ነዉ መፍትሔዉ
አሁንም ትግል ነዉ
ለነጻነት ክብርሽ
ለአማኝ ጸአዳሽ
ለወገን ላገሩ በመስዋዕት አገልጋይ
እንደትግል መሪ
ህዝባዊ ሀይል ነዉ አክባሪ
ኢትዮጵያ ላንች ነዉ ላንች ነዉ
ደማችን የምፈሰዉ ለዘላለም ክብርሽ ነዉ
ሰንደቃችን ኢትዮጵያዊ አርማ
ጸንተናል በአንድ ዓላማ
ኢትዮጵያችን በደማችን ይታደሳል ስሟ

የፖለቲካ ፓርቲዎች ጋብቻና ፍቺ አልተጣጣመም!

• 31 March, 2014
• Written by  ኤልያስ 

• ኢትዮ-ቴሌኮም በኖኪያ ቁጥጥር ስር የነበሩ የኔትዎርክ ወረዳዎችን ነፃ አወጣ!
• አንድነት እና መኢአድ ሳይጋቡ በመፋታት ሪከርድ ሰብረዋል
• “ድር ቢያብር አንበሳ ያስር” ትዝ የሚላቸው ምርጫ ሲቃረብ ነው

        የአፍሪካ አንድነት የሰላም አስከባሪ ኃይልን የተቀላቀለው የአገራችን መከላከያ ኃይል ሶማሊያ ውስጥ አልሻባብ ተቆጣጥሯቸው የነበሩትን ቦታዎች ማስለቀቁን በኢቴቪ ዜና እወጃ ላይ ሰምቼ ደስ ብሎኝ ነበር (ኢትዮጵያዊ ሆኖ ድል የማይወድ አለ እንዴ?) በነጋታው ነው መሰለኝ … ሌላ የምስራች ደግሞ ሰማሁ፡፡ ኢትዮ-ቴሌኮም በኖኪያ ቁጥጥር ስር የነበሩትን አየር ጤና፣ ቄራና ዓለም ባንክ አካባቢዎች ነፃ ማውጣቱ ተነገረ-በዜና ሳይሆን በተባባሪ ወሬ፡፡ እናላችሁ …. ሁለቱ አካባቢዎች አሁን ኔትዎርካቸው ያለመቆራረጥ እየሰራ ነው፤ ተብሏል (ኢንተርኔትና ፌስቡክም ያለችግር ማግኘት ችለዋል) ኢትዮ-ቴሌኮምን የማሳስበው ግን በዚህ የድል ብስራት ተኩራርቶ ሌሎቹን በቁጥጥር ስር ያልዋሉ የኔትዎርክ ወረዳዎች ነፃ ከማውጣት እንዳይዘናጋ ነው። ያለዚያ እኮ የሦስቱ አካባቢዎች ነፃ መውጣት ትርጉም የለውም (ተመልሰው በ“ጠላት እጅ” ሊወድቁም ይችላሉ!) እናላችሁ … ሌሎች የመዲናዋ አካባቢዎችም ከ “ባዕድ እጅ” ነፃ ሲወጡ ነው እነ ዓለም ባንክ ነፃነታቸውን በቅጡ የሚያጣጥሙት፡፡ እስከዛ እኮ እርስ በርስ ብቻ ነው ኮሙኒኬሽኑ!

የአዲስ አበባ ዩኒቨርሲቲ አመራሮች ምሬታቸውን ለፓርላማ አሰሙ

በሕይወቴ ያለምቾት የሠራሁበት ወቅት አሁን ነው›› የዩኒቨርሲቲው ምክትል ፕሬዚዳንት የአዲስ አበባ ዩኒቨርሲቲ ሀብትና ንብረትን ለመጠበቅና ለማስተዳደር ሲባል ‹‹ራሳችንንና ቤተሰቦቻችንን ችግር ውስጥ ከተናል›› በማለት የአዲስ አበባ ዩኒቨርሲቲ አመራሮች ለፓርላማው ቋሚ ኮሚቴ ምሬታቸውን ገለጹ፡፡
የኦዲት አገልግሎት ኮርፖሬሽን በአዲስ አበባ ዩኒቨርሲቲ ዋናው ግቢና በሥሩ የሚገኙ ተቋማት ላይ ከ1999 እስከ 2002 ዓ.ም. ባለው ሒሳብ ላይ ያካሄደውን ኦዲትና የኦዲት ግኝቶችን አስመልክቶ ማብራርያ እንዲሰጡ፣ ባለፈው ዕለት በፓርላማው የመንግሥት ወጪ አስተዳደር ጉዳዮች ቋሚ ኮሚቴ ተጠርተው በተወቀሱበት ወቅት ነው አመራሮቹ ምሬታቸውን የገለጹት፡፡
በዋናው ግቢ ከልዩ ልዩ የተሰብሳቢ ሒሳብ መሰብሰብ የሚገባው 80.7 ሚሊዮን ብር ለረዥም ጊዜ መንከባለሉን፣ የሚሰበሰብ ከሆነም ከማን እንደሚሰበስብ አለመታወቁ፣ በዋናው ግቢ በግዥ ቅድመ ክፍያ ተከፍሎ የመጀመርያው ሳይወራረድና ሳይረጋገጥ ድጋሚ የግዥ ቅድሚያ ክፍያ በተለያዩ አቅራቢዎች ተመዝግቦ መገኘቱና ለረዥም ጊዜ ያልተወራረደ ሒሳብ በድምሩ 29.8 ሚሊዮን ብር

20 ዓመት ሙሉ ውህደትና ጥምረት ያልሰመረለት የተቃዋሚ ጎራ

                                                                              Written by  ኤልሳቤጥ እቁባይ እና አለማየሁ አንበሴ

የሐሙሱ የመኢአድና አንድነት ውህደት ሳይጀመረ ፈረሰ
ምርጫን ብቻ ግብ ያደረጉ ጥምረቶች ዋጋ አይኖራቸውም
የፓርቲዎች ውህደት ባይሳካም የተገኘው ልምድ ቀላል አይደለም
ለተቃዋሚዎች አለመጠናከር ኢህአዴግ ተጠያቂ ነው
“በሀገራችን የፓርቲ ፖለቲካ ብዙ ዘመን አስቆጥሯል ማለት
ባይቻልም በአሁኑ ጊዜ ፓርቲዎች ማደግ ሲገባቸው እየቀጨጩ ነው፣ በሜዳው ላይ መኖር የማይገባቸው ፓርቲዎችም አሉ፡፡ ፕሮግራማቸው አንድ ሆኖ እንኳ ተከፍለው መንቀሳቀሳቸው ትክክለኛ አካሄድ ካለመሆኑ በተጨማሪ ለገዥው ፓርቲም የስልጣን እድሜን እየሰጠ ነው ያሉት ከዚህ ቀደም በተለያዩ የፖለቲካ ፓርቲዎች አመራረርነት ቆይተው አሁን ላይ ከፓርቲ ፖለቲካ ራሳቸው ያገለሉት ዶ/ር ያዕቆብ ሃ/ማርያም ናቸው፡፡

የቀልድ - ጥግ

የፖለቲካ ቀልዶች
ትርጓሜ
“የፖለቲካ ቀልዶች ችግር አንዳንዴ እንደባለቤቶቻቸው ሊመረጡ መቻላቸው ነው”
*   *   *
የፖለቲከኛ ትርጉም
ፖለቲከኛ ማለት ጀልባዋን ራሱ ነቅንቆ፣ አናግቶ ሲያበቃ፤ ከዚያ እያንዳንዱን ሰው እባህሩ ላይ ማዕበል ተነስቷል ብሎ ለማሳመን የሚችል ሰው ነው!
*   *   *
የየምርጫ ጣቢያ ትርጉም
የምርጫ ጣቢያ ማለት ገንዘባችሁን የሚያጠፋላችሁን ሰው የምትመርጡበት ቦታ ነው!
*   *   *
አንድ የሩሲያ መሪ ወደ አሜሪካ መጥቶ የአሜሪካን ወታደሮች እንዲጎበኝ ይጋበዛል። በዚሁ መሠረት ወደ አሜሪካ ጣና ወታደሮቹን ይጐበኝ ጀመር፡፡
የአሜሪካው መሪ፡- “ወታደሮቼ ለእኔና ለአገሬ በጣም ታማኝ ናቸው” አለው ለሩሲያዊው፡፡
የሩሲያው መሪ፡- “እስቲ አንዱን ወታደር ጥራልኝና ጥያቄ ልጠይቀው” አለ
አንድ ወታደር ተጠራና መጣ፡፡
ይሄኔ ሩሲያዊው ወደ አሜሪካኑ ዞሮ፤
“እስቲ ታማኝነቱን ለማረጋገጥ ከገደል አፋፍ ውድቅ በለው” አለው፡፡
የአሜሪካው መሪም ለወታደሩ “በል ከዚህ ገደል ወደ መሬት ተወርወር” አለና አዘዘ፡፡
ወታደሩም፤ “አላደርገውም ጌታዬ” አለው
መሪው፤ “ለምን?”
ወታደሩ፤ “በእኔ ሥር የሚተዳደሩ ብዙ ቤተሰቦች አሉኝ ጌታዬ” አለ፡፡

መብራት ሃይል የመ/ቤቴን “ኪራይ ሰብሳቢዎች” ታገሉልኝ እያለ ነው!

• Written by  ኤልያስ 

• ከኑሮ ውድነት ጋር እንታገል ወይስ ከ“ኪራይ ሰብሳቢዎች” ጋር?
• መንግስት እኮ ታክሲ ተሳፍሮ አያውቅም--- (መንግስት መሆን አማረኝ!)
• የጋዜጠኞች ማህበራቱ  “ፀረ-ነውጥ” ድርጅት ቢያቋቁሙ ይሻላቸዋል!

እኔ የምላችሁ … እነዚህ የጋዜጠኞች ማህበራት አሁንም እዚሁ ጦቢያ ናቸው እንዴ? እኔማ ባለፈው ጊዜ  በኢትዮጵያ “የፕሬስ ነፃነት ከየትኛውም የአፍሪካ አገር በተሻለ ተከብሯል፤ አንድም በሙያው የተነሳ የታሰረ ጋዜጠኛ የለም” የሚል መግለጫ ከሰጡ በኋላ (ኢህአዴግ እኮ ይቀረናል ነው ያለው!) አንድ ስማርት የሆነች አይዲያ አቅርቤላቸው ነበር፡፡ (ኦሪጂናል እኮ ናት!) ማህበራቱ ጦቢያ ውስጥ የፕሬስ ነፃነት በሽበሽ ነው ካሉ በኋላ እዚህ ምን ይሰራሉ አልኩና አዲስ ወደ ተቋቋሙ የአፍሪካ አገራት (እንደ ሶማሌና ደቡብ ሱዳን የመሳሰሉ) ሄደው የጋዜጠኞች ማህበራት ቢያቋቋሙና ለጋዜጠኞች መብት ቢታገሉ “አህጉራዊ የነፃነት ታጋይ” የሚል ማዕረግ ይቀዳጃሉ ብዬ እኮ ነው (የአፍሪካ ቼጉቬራ ሆኑ ማለት እኮ ነው!)
ከአህጉራዊ የጋዜጠኞች

“የአብዮተኛው ትውልድ” የተሸፋፈነ ኪሳራ

ኪሳራው በጊዜ ሲሰላ፣ የአገሪቱን የስልጣኔ ጭላንጭል ያዳፈነ፣ የ30 ዓመት የኋሊት ጉዞ ነው።
30 ዓመት ቀላል አይደለም፤ እነ ደቡብ ኮሪያ ከድህነት ወደ ብልፅግና የተሸጋገሩበት ጊዜ ነው።
“የአብዮተኛው ትውልድ”ን ኪሳራዎችን ለመደበቅ ተብሎ ብዙ ታሪክ ተድበስብሷል
ትምህርት የተስፋፋው፣ የሴት ተማሪዎች ቁጥር ያደገው ከአብዮቱ በፊት ነው ወይስ በኋላ?
የኤሌክትሪክ፣ የስልክ፣ የመንገድና የአየር ትራንስፖርት በፍጥነት የተሻሻለውስ መቼ ነው?
በእህል ምርት፣ በኢንዱስትሪ፣ በኤክስፖርት መስኮች የብልፅግና ምልክት የታየውና የጠፋውስ?
የሙያ ፍቅር ያበበው፤ ስነፅሁፍ፣ ትያትርና ሙዚቃ ያደገው፤ ስፖርት የተሻሻለው መቼ ይሆን?

የአፍሪካ መሪዎችና አማፅያን በሩሲያዊው የክላሺንኮቭ ፈጣሪ ህልፈት አዝነዋል!

ክላሺንኮቭ (AK-47) የተባለውን ለሁሉም ሥፍራ ተስማሚና ለአጠቃቀም ምቹ የሆነ  የጦር መሣሪያ በመፈልሰፍ፣ ለመላው ዓለም “እነሆ በረከት” ያሉት ሩሲያዊው “ጀግና” ሚካሄል ክላሺንኮቭ፤ ባለፈው ሰኞ በ94 ዓመታቸው ከዚህ ዓለም በሞት መለየታቸውን ስሰማ ማዘኔ አልቀረም፡፡ (የአፍሪካ መሪዎችና አማፅያን ባለውለታ መሆናቸውን እንዳትረሱት!) በነገራችሁ ላይ ሰውየው ከቅርብ ጊዜ ወዲህ በልብ ችግር ሲሰቃዩ የቆዩ ሲሆን ለአንድ ወር ያህል በሆስፒታል ተኝተው የህክምና ክትትል ቢደረግላቸውም ከመሞት አልዳኑም፡፡ እሳቸውስ የእድሜ ባለፀጋ ናቸው - በ94 ዓመታቸው ነው የሞቱት፡፡ እሳቸው በሰሩት ክላሺንኮቭ ሲጠዛጠዙ በለጋ እድሜያቸው የተቀጩ አፍሪካውያንን ራሷ አፍሪካ ትቁጥረው!!  ሚኻኤል ክላሺንኮቭ በለጋ እድሜያቸው የእርሻ መሣሪያ የመሥራት ህልም ነበራቸው፡፡ (ህልሙ ነፍስ ሳይዘራ ቀረ እንጂ!) የማታ ማታም በዝነኛው ክላሺንኮቫቸው በዓለም ላይ እህል ሳይሆን ምስቅልቅል ቀውስ ዘሩበት፡፡ በህይወት ሳሉ የጦር መሣሪያ በመስራት ለህዝቦች ደም መፋሰስ ያበረከቱት አስተዋፅኦ ሰላም ይነሳቸው እንደሆነ በተደጋጋሚ የተጠየቁት ሚኻኤል ክላሺንኮቭ “እኔ እንቅልፌን ስለጥጥ ነው የማድረው፡፡ መስማማት አቅቷቸው የጦርነት አማራጭን የሚወስዱት ፖለቲከኞች ናቸው ተጠያቂዎቹ” በማለት ራሳቸውን ነፃ አድርገዋል (ከደሙ ንፁህ ነኝ እንደማለት!)

“የህወኀት ዓላማ ግቡን አልመታም”

አቶ አስገደ ገ/ሥላሴ፤ ከህወኀት መስራቾች አንዱ)
የካቲት 11 ይዛችሁ የተነሳችሁት አላማ ምን ነበር?
እኛ በዛን ወቅት ይዘነው የተነሳነው አላማ፣ ደርግን በሰላማዊ መንገድ መጣል ስለማይቻል፣ በትጥቅ ትግል ገርስሰን እንደ መሬት ላራሹ ያሉ የህዝብ ጥያቄዎችን መመለስ ነበር፡፡ የመጀመሪያ አቋማችን የዘውዳዊውንና የደርግን ህገመንግስት መቀየር የሚል ሲሆን አቋሙ በማኒፌስቶ ፅንሰ ሀሳብ ላይ የተነደፈ አልነበረም፡፡ በቁርጥራጭ ወረቀትና በቃል ነበር የተያዘው፡፡ በሶስትና አራት ወራት ጊዜ ውስጥ ወደ ስልሳ ሰባት ሰው ትግሉን ተቀላቀለ፡፡ መጀመሪያ ላይ ሃገራዊ፣ ብሄራዊና መደባዊ ትግል በማካሄድ ህዝባዊ መንግስት መመስረት የሚል ዓላማ የነበረ ሲሆን ከአመራሩ አካባቢ ደግሞ “እኛ የምንታገለው ከአማራ ቅኝ ገዢዎች ነፃ ለመውጣት ነው፤ ስለዚህ ዓላማችን ነፃ ሪፐብሊክ ትግራይን መመስረት ነው” የሚሉ ሀሳቦች መፍለቅ ጀመሩ። ከአንድ ዓመት በኋላ ሃሳቡ በህወኀት መሪዎችና ለእነሱ ቅርበት በነበራቸው ታጋዮች ተረቀቀና በማኒፌስቶ ወጣ፡፡ አቶ ስዩም መስፍን ሱዳን ውስጥ አሳትመው አመጡት፡፡

ከአስር ሺ ካድሬዎች አንድ ጀግና አትሌት ይሻለኛል!

የፌዴሬሽን ነገር አልተሳካልንም!
ሩጫ እንደ አፍ አይቀናም (ለአትሌቲክስ ፌዴሬሽን!)
.የዛሬውን ፖለቲካዊ ወጌን የምጀምረው በአትሌቲክስ ነው፡፡ አትሌቲክስና ፖለቲካ ምን አገናኛቸው እንዳትሉኝ ብቻ! (ቀላል ይገናኛሉ!) ወዳጆቼ … አትሌቲክስ ስፖርትነቱ ለጀግኖች አትሌቶቻችን ነው እንጂ ወደ ኢትዮጵያ አትሌቲክስ ፌዴሬሽን ሲገባ መልኩን ይቀይራል፡፡ (የቀለጠ ፖለቲካ ይሆናል!) ይሄ እኮ ሃሜት አይደለም፡፡ በመረጃም በማስረጃም የተደገፈ ሃቅ ነው (ፍ/ቤት የመሄድ ፍላጐት ግን የለኝም!) ለነገሩ ፍ/ቤትም ለካ እረፍት ላይ ነው፡፡ እናንተዬ … ፍ/ቤት በክረምት የሚዘጋው (የሚያርፈው) ድሮ ወንዝ እየሞላ መሻገሪያ ስለሚጠፋ ነው የሚባለው እውነት ነው እንዴ? አሁን ታዲያ የትኛው ወንዝ አስቸግሮን ይሆን? (የልማድ እስረኞች እኮ ነን!) 

ይሄውላችሁ … ስለ ፌዴሬሽኑ ፖለቲካ ከማውጋታችን በፊት ትንሽ “ሰለብሬት” ማድረግ አለብን - ስለ አትሌቶቻችን ድል!! እናንተ … የጦቢያ አትሌቶች እንዴት አንጀት አርስ ናቸው ባካችሁ! (ኧረ ሺ ጊዜ ይመቻቸው!) ለዓለማችን ኮከብ አትሌት ጥሩነሽ ዲባባ (እውነትም ነገር የገባት ሰጐን!) እጅ ነስቻለሁ! ለ800 ሜትር የወርቅ ሜዳልያ ባለድሉ ለመሃመድ አማንም እጅ ነስቼአለሁ - በአዲስ ርቀት ላስመዘገበው ድንቅ ውጤት! ነሐስን ጨምሮ ሌሎች ድሎችን (ከ4-10 ለወጡትም) ላገኙም እጅ ነስቼአለሁ፡፡ ለደረጃ ባይበቁም ጦቢያን አደባባይ ወክለው ለሮጡልን ምርጥ የአገሬ ልጆችም እጅ ነስቼአለሁ፡፡ በሴቶች ማራቶን በገጠማቸው አንዳንድ እክሎች ውድድሩን አቋርጠው ለወጡት የጦቢያ ጀግና አትሌቶችም እጅ ነስቼአለሁ (ፌዴሬሽኑ ደብዳቤ ፃፉ ቢልም) አንዳንዴ ምን እንደማስብ ታውቃላችሁ? ኢትዮጵያን የሚመሯት ምነው አትሌቶች በሆኑ እላለሁ (የድል አርማ ናቸዋ!)